我们8090这一代东莞仔,每一个回忆都有一种味道!

栏目:趣闻发布日期:2014-05-13浏览次数:6530

前言:

说到童年的回忆,不可以不说的肯定是小时候吃过的零食。随着潮流的变化,进口零食不断冲击我们的味觉,刷新我们对零食的记忆。但是最令人回味的始终是最纯正的味道,最原始的味道。小编今日和大家一起回味一下吧。

┄┄┄┄┄┄✄┄┄┄┄┄┄┄

细细果阵汽水并无太多选择,沙士、白柠、橙汁系我最经常饮到噶玻璃樽汽水,大大支最抵饮!记得以前仲会同士多噶老世讲打包,佢就会比个胶袋你装住!

吃雪糕就一定系非五羊雪糕莫属啦!红豆批、绿豆批、红绿灯、飞鱼脆皮、莲花杯!宜家食返都仲系咁正,但系唔知大家仲记唔记得以前佢仲有一只蛋奶批噶!我记得好好食,小编我好钟意食噶。可惜之后唔知咩原因停产了!

除咗羊仔噶雪糕之外仲有冰棍,虽然话系色素加糖精。但系细路仔果阵有边个未食过啊!有得食都不知几开心,仲会经常1开2同D同学仔分享啊!

细路仔噶时候最钟意噶莫过于劲热气噶薯片之类噶零食,当然啦!大过咗一样咁钟意,哈哈哈哈哈!当中唔可以唔提噶就系奇多,果阵经常买嚟食就系为咗佢果只圈!有中国、美国、德国、法国······简直就系世界地图,储极都未储倒1套!

卜卜星简直系我细个果阵噶最爱,就算宜家大过咗经过士多我都会买返包回味下!我最钟意就系红色噶烧烤味!

仲有咁多年价钱一直无变噶咪咪!

唔知大家仲记唔记得仲有一只我地细个时候都有食噶浪味仙,宜家出街好小见倒有得卖啦!

记得以前放学间中都会整返几串沙爹鱼串一路行一路食噶!大过之后就豪好多啦,成包买!但系就食唔返以前得几串,食到到喉唔到费噶滋味!

大华牛肉干薄薄一块,几啖就食晒!所以果阵买1包系绝对唔够喉!

以前细个即食面无宜家咁多选择,系我记忆当中比较出名噶就系得几个。最怀念噶就梗系华丰啦!我仲好记得我问我屋企人,即食面D鸡、虾、蛋去咗边啊?点解得个面噶?跟住屋企人就同我讲即食面成日呃人噶,唔好食咁多啊!

麦丽素一直有中国麦提沙之称!细个经常买嚟食,仲好钟意摆落口啜。

香口胶以前无太多选择,唔系大大就系绿箭。细路仔就梗系钟意大大啦,成日都会同D同学仔吹个波斗大!点知爆咗就痴到成嘴都系·········

欣欣杯细个果时以为朱古力酱系直通杯底噶,大过咗先发现佢其实系只有一小格!!!

山楂饼可以话系屋企人最钟意比我食噶零食之一,可能佢地认为系有益又开胃啦!

尼种饼干我相信大家都唔陌生,应该都食过!但系我唔知佢叫乜名,净系知道佢上面有一督糖!

以前我地都会将一粒粒,细细粒,干草类,凉喉类嘅零食都叫“鼻屎”!

最后就系同大家回忆下我地细过最经常会食倒噶糖啦!首先就梗系白兔糖啦,由细食到大过年必备。绝对系经典啊!糖基本系小朋友都会钟意,所以选择会比较多D!有珍宝珠啦、戒指糖啦、西瓜糖啦、可乐糖啦、薄荷糖啦、柠檬片啦······仲有差D唔记得咗仲有爆炸糖,以前细个比较单纯都系摆落口觉得好得意,霹雳吧啦咁好过瘾!大过咗先知道原来仲可以有好多用途,至于系乜?你明噶!!!哈哈哈哈哈哈!

系咪样样都充满回忆呢?系米好想再试翻呢种味道呢?其实大家不妨可以去附近士多搵下。一边食住呢D零食,一边回味一下你噶儿童年回忆。


(图文:广州百事通)

猜你喜欢